اعتراف شاب

موضوع: اعتراف شاب الثلاثاء أغسطس 31, 2010 1:59 am

السلام عليكم ورحمة الله وبركاته:

الرسالة هاذي سواءً وصلت لبنت أو لولد بما إن الأولاد في إيميلاتهم مليون بنت والبنات كذلك في إيميلاتهم مليارات الشباب بليز إذا تخافوا على أعراض أخواتكم البنات وصلوها لكل بنت تعرفوها..
ماتدري يمكن بهاذي الرسالة تنقذ أختك وعرضها وشرفك والجزاء من جنس العمل...
واللهم رد شباب وبنات المسلمين إليك رداً جميلاً وإهدهم إلى صراطك المستقيم يارب العالمين .. آمين آمين
------------------------------------------------------------------------------
(( إعــتـرافــات شــــــاب ))

بهذه الجملة بدأ حواره معي:

كنت قد توقفت أمام أحد المقاهي وذلك لشعوري بالنعاس في شارع شهير..
وعندما دخلت المقهى فوجئت بأحد الشباب فيه الكثير من الوسامة تبدو عليه
الأناقة المفرطة يعطي رقم هاتفه إلى فتاة بدون أي إعتبار لأحد ٍ من الموجودين
قائلا ًً لها بصوت عالي :
((على الساعة تسعة ونص هاهـ))؟؟!
فاتجهت نحو طاولته وسألته..
ممكن أجلس معاك لو سمحت؟..
فقال:يا أخي إسمع إذا تبغى تعطي نصايح ومحاضرات فالجواب .. لا ..
وإذا تبغى تسولف وتتعرف حياك الله..
فضحكت من إجابته التي تدل على النفسية المتعبة والملل الشديد من المنصحين..
ولكن قلت:أبد مافي نصايح ولكن مجرد كلام وعلوم ومنكم نستفيد ..
فقال:إتفضل..
قلت:هو فقط سؤال بسيط ليه يعني ترقيم وشغل و حركات ومشاكسة ومعاكسة
فين الإنترنت والبلوتوث يعني منت ماشي على الموضة!؟؟
فقال:يا عزيزي كلنا ثعالب... و كل ثعلب له طريقه وله هدف..
فقلت:أنا لي هدف ولكني لست ثعلب فأنا أصل لهدفي مباشرة..
فقال:لابد أن تقوم بأي حركه أو مناورة حتى تصل لهدفك..
فقلت:طيب ياأستاذ (ثعلب) ما تخاف إن هذه البنت (المسكينة)
تكتشف إنك (ثعلب) وساعتها تعطيك على رأسك..
فقال:ما يهم راح ألقى غيرها الفاضيات والضايعات كثيييير وغير كذا .. مستحيل تكشفني..
((لاحظوا الغرور فيه))..
فقلت:وليه يا أخي مستحيل تكشفك إذا دخلت قصة حب بتقول لك
(تعال أخطبني)قول لي وش ردك وقتهاا ؟
فضحك ضحكة عاليه؟؟وقال: باين عليك غشييييم ..
يا (غشم شم) ,,,طبعا لازم قصة حب هل تتوقع أقول:
ألو... (( لو سمحتي ممكن أتسلى بشرفك شويه )) ..
... (رفع ضغطي) ولكن مسكت أعصابي وقلت: ما رديت علي وش عذرك لو قالت تعال أخطبني..
ضحك مرة ثانية وقال: أول عذر يا طويل العمر وأشهرهم ( عذر أكمل ) ..
فقلت: تكمل إيه ..
فقال: أكمل أي حاجه ,,, أكمل المدرسة ,,, أكمل الجامعة ,,, أكمل المعهد ,,, لسه ما توظفت ,,, أكمل الشقة ,, المهر ,, المهم أكمل أي شي ناقص ..
فقلت: إفرض يا ذكي قالت : تعال أخطبني ,, وكمل على مهلك كيف تصرفها ,,,
قول لي يالله..
فقال: ما قلت لك إنك غشيم ,, أهلي ,, أهلي ..
فقلت: سلامة أهلك .. ^_^
فقال: لا.. أهلي مو موافقين لين أكمل ..
فقلت:والله عذر ..لكن إفرض قالت لك أهلك,,وليش أهلك إنت طفل إنت رجال ولا منت رجال تعال أخطبني لو رجال .. قول لي لو إنت حريف وريني كيف تفك نفسك..
فقال:أولاً مافي بنت بتقول كذا ولو قالت بسيطة أقول لها .. السكر..
فقلت: وش فيه السكر ..
أقول:أمي عندها السكر ما أقدر أزعلها ,,أو أبوي عنده القلب والكلام الفاضي كثير..
يا عمي إنت ما تشوف مسلسلات ..
فقلت:لا والله ما أتابع ,,, لكن في أعذار غير عذر(أكمل) ..
فقال:ياعم الأعذار كثييير ,, بس أنا أعطيك أشهرهاخذ مثلاً !!
إذا إنت ولد مدلع تقول لازم نتعرف على بعض أكثر مو معقول نتزوج على طول لازم نحب بعض..
فقلت:الله يخرب بيتك هذا معناه كلام بالتلفون ومقابلات و.. و .. و
فقال:طبعاً .. أجل أنا معطيها الرقم ليه ..
قلت: طيب غير عذر(نعرف بعض)فيه غيره ؟؟ ..
فقال: يا أخي أنا قاموس أعذار وحجج خذ عندك مثلا ًأقول لها(عمي)..
فقلت:يا أخي ترى أقرفتني تعطيني كلمة كلمة ,,
مره(أكمل) وبعدين( سكر ) وشويه(أهلي ) والحين(عمي ) وبعد شوي( الخدامه )...
ضحك وقال:يعني أنا خاطبين لي بنت عمي ..
ثم تنهد وقال: (بصوت رومانسي يحمل الأسى والحزن) إنتي عارفه عاداتنا في الزواج يا منال.. أعطيني فرصة وأنا حتصرف ..
فقلت: لاحول ولا قوة إلا بالله ثم سألته طيب يا أخي ليه تتنقل من وحدة لوحدة وليه بنت وحده ما تكفي ؟
فقال:يا أخي خلاص ما يصير لها طعم ,, والجديد دائماً له طعمه ,,,
طيب عمرك شفت وحده تشتري فستان ولو غالي وما تلبس غيره ,,,
يا أخي إذا المريول إللي هو الزي الرسمي حق البنات تلاقي عندها مريول ثاني وثالث,, كيف عاد ببنت جديده ,, وكلام جديد ,, ومواعيد جديده ,,
فقلت: طيب فين الحب الأول والكلام الكبير إلي يقولوا عليه..
فقالبعد ماغير جلسته) شوف ... أول بنت لها سحر خاص وأول مكالمة بعد,,
لكن بأعطيك مثال: شفت الصياد إللي يصيد سمك تلقى أول سمكه صادها فرحان فيها ,, وتلقاه حاطها قدامه طوووول الرحلة,, لكن أول ما يوصل هو بنفسه يحطها في النار ,,وهو أول واحد بياكل منها والبنات مثل كذا,, الشباب يدوروا الحب ومع أول بنت أو شاب يقولوا هو هذا الحب لين العلاقة تبرد ويدوروا حب ثاني وثالث ,, وهكذا..
فقلت: يعني إنت تعترف إنه مافي حب بين الشاب والبنت ..
فقال: أيواااا .. حتى في القرآن ربنا عز وجل يقول : [ وجعلنا بينهم مودة ورحمة ] شايف مودة ورحمة مو حب ومقابلات ومكالمات..
فقلت: كلام منطقي ومعقول لكن ليه كل الشباب بدون إستثناء يحبوا يتكلموا عن البنات إلي يعرفوهم قدام بعض .. يعني يفضحوا نفسهم بنفسهم ويفضحوا معاهم بنات الناس ..
فقال:هاذي ميب فضايح ,,, يعني إنت لو إشتريت سيارة جديدة موب توريها لأصحابك..
قلت:إلا أكيد ..
قال:واللي يبني عمارة مو يوريها لأصحابه ...
قلت:أكيد إيه...
قال:وإللي يفوز بمسابقة موب يعلق الميدالية فرحان بيها ...
قلت:بالضبط..
قال:وإللي في سننا ماله غير البنات ,,, يعني ولد صياد حق بنات لسانه حلو ووسيم ويطيح الطير زي ما يقولوا ..
فقلت:لكن الواحد يفتخر بشي يملكه ,, كيف تفتخر بإنسانه ما تملكها ..
فقال:لا يا حبيبي أنا أملكها ونص ,,, يعني أمها وأبوها يقولوا لها لا تكلمي أحد وتكلمني ,,
ويقولوا لا تخرجي مع أحد وتخرج معايه,,
وأقدر أكلمها أي وقت ,, وأشوفها أي وقت.. يبقى أملكها ونص..
يا أخي إذا كان ربنا يقول لها لاتختلي بغريب وبتقابلني ,, يعني عصت ربها عشاني ,,
كيف تقول ما أملكها ؟
(رفع ضغطي بقوة) لكن كلامه صح..!!
فقلت:طيب إذا كنت تقابلها بأي وقت,,, وتشوفها في أي وقت ,,, ليه تطلبوا صورهم,, و بعضكم يسجل عليهم ,,, وبعضكم يصور فيديو والعياذ بالله ...
فقال: هذه يا حبيبي ضمان وإثبات محبه ,,, يعني لو كانت تحبك بتعطيك صورها,,, وإذا تحبك أكثر أعطيها تصوير بالجوال ,,, والمبتدئين يسجلوا بالتلفون المهم الإقناع ...
فقلت: أي إقناع هاذي أعراض مسلمين وشرف وفضايح كيف تقنعها ...
فتبسم إبتسامة(الثعلب)وقال:بإسلوب (مسرحي ساخر ورائع)لدرجةأنني كدت أن أصدقه..
هذه أخرتها إنتي ما تثقي فيه ولا في حبي هذه آخر مكالمة بيني وبينك ,,, صدقيني صورك أخذها علشان أحطها قدام عيني لما أنام ,,,وأملي عيني منها,,, وعمري ما أطالع لوحده ثانيه..
ولا خلينا نتصور سوى..
وأقول لها:يا(غبية) مو إحنابنتزوج وكلام كثير كثير...
فيه ألف طريقه وطريقه,,,المهم تعرف كيف تضرب على الجرح زي ما يقولوا ..
فقلت:طيب إفرض مثلاً ما أعطتك وجه ولا صورة ولا هم يحزنون بتسيبها ؟
فقال:طبعاً لا ,,,أنا صياد,,, والصياد صبور وما يمل..
فقلت:هنا المشكلة ,,, طيب والفضايح إللي بتصير للبنات ,,, يعني هما ما يفكروا في الفضايح ..
فقال:عارف إيش المشكلة.. إنه كل وحده تقول,, أنا واثقه من نفسي وحريصة ,,, أو إنتوا مو فاهمين والله (سلطان ) غيييير أو أصابع يدك ما هي زي بعض ,,, أو (أحمد)إبن ناس مستحيل يسوي كذا ,,, أو (ماجد) يحبني مرة أصلاً أنا لو غبت عنه يتجنن ..
وكل وحده مستحيل تتخيل نفسها بطلة فضيحة مستقبلاً..
وشوف بنفسك الإنترنت مليان فضايح وكلها بدأت بقصة حب..
فقلت:طيب بعد الفضيحة إيش ذنب المسكينة إلي سلمتك قلبها ...
فقال:أولاً أنابالذات ماني حق الحركات هاذي,,, هذا حال الدنيا,,, وما أحد ضربها على يدها وقال لها كلمي بالتلفون ولا صاحبي ,,, ولا كانت صبرت لين يجيها نصيبها..
سألته قائلاً:بصراحة لو فيه بنت تورطت بمكالمات وصور كيف ممكن تخرج من دوامة التهديد..
فقال مبتسماً:شكلك تبغى تعرف سر المهنة لكن أقول لك وخليها بيني وبينك علشان الشباب ما يزعلوا ..
شوف ياعمي مايرد التهديد إلا التهديد يعني حتى الولد ما يبغى فضايح ..
يعني ممكن تقوله له أنا أبلغ أبوي عنك وأخليه يبلغ الشرطة وأكل علقه وحده من أبوي .. ولا أنذل لك طول عمري أو حتى تبلغ مديرة المدرسة أو الوكيلة,,, وصدقني صارت كثير والوكيلة تعرف كيف تكلم أبوه أو تكلم مدير المدرسة أوالجامعة,,أو حتى تكلم مركز الشرطة بس سري ..
ومن غير حتى أهلها ما يعرفوا ,,, علشان المشاكل والفضايح وأحسن لها المديرة تعرف..ولا أهلها وجيرانهم وأصحاب الإنترنت كلهم يعرفوا أو حتى تبلغ بنفسها بالتلفون وصدقني الشرطة والهيئات ذات العلاقة بالأمر إسم يخوف أتخن شنب في الشباب..

سألته:إنت ما تخاف أنشر هذا الكلام وسوقكم يوقف..
فقال ضاحكا ً:يا عمي ,, والله لو تنشره وتخلي كل بنت تقراه في طابور الصباح ماحيبطلوا,,وحتى لو كم وحده حتبطل ,, ميةألف ... خليهم مايبطلوا ..الباقي من نصيبنا يامعشر الشباب..
نظرت إلى ساعتي إنها الثامنة وعشر دقائق ولملمت أغراضي وودعته..
فقال: على وين رايح ..تو الناس..
فقلت: خلاص صلاة العشاء..
فقال : لسه باقي على الأذآن عشرة دقائق..
فقلت: يا دوب أدور مسجد وألحق الصف الأول..
(فضحك ضحكة عالية جداً) وقال:شفت أنا قلت لك إنت بتطالع في الساعة,, وتخطط تلحق الصف الأول علشان تصيد الأجر..
ما قلت لك ياحبيبي كلنا (ثعالب),,,وكل واحد فينا يتفنن فـصيد اللي يبغاه ...
(ضحكت ضحكة مجاملة له)وانصرفت ,,, وكلماته ترن في أذني..
ثم تساألت إن نشرت هذا الكلام كم فتاة ممكن أن تترك المكالمات ,,, وكم فتاة تبقى من نصيب(الثعالب)..

ثم تذكرت قوله تعالى(ومن يشإ الله يضلله ومن يشأ يجعله على صراط ٍٍ مستقيم))[الأنعام:39]..
يابنات ياحبايب قلبي,,,فكروا لمجرد دقيقة وحدة بس ..
بأبوك هذا اللي يمشي قدامك..
ولا بأمك اللي تدعيلك وتحبك..
ولا بأخوك اللي مهما اخطأ يضل سندك بالحياة..
ولا بأختك البريئة اللي بتنظلم عشانك..
كيف بالله تهينينهم عشان (جرذ) ,,, ماراح أكبره وأقول (ثعلب) لأنه بالنهاية خسيس ومكانه بالمجاري اللي تساهل (بأعراض المسلمين)..
يعني ترضين تحسسينهم بالذل والمهانة,,, ويمشون طول عمرهم بين الناس وراسهم بالأرض..
طيب فكري بنفسك ومستقبلك وبزواجك..
مهما حسيتي انك واثقه بشخص أو انك تحبينه,,
باب بيتكم يوسع جمل ليه مايدقه,,
فأن قلتيله (تزوجني),,, و طول السالفة اعرفي إنه كذاب..
وإتركيه وتوبي (لله) ,,, وربي بيعوضك بزوج رجال زي القمر أحسن من هالجرذي ..
(( ومن ترك شيئاً لله عوضه الله خيراً منه في دينه ودنياه ))..
خليك ذكيه وتذكري ,,, أبوك ,,, وأمك ,,, بلحظتها ..
وكيف بتكسرينهم وتهينينهم قدام العالم ..
لمجرد غلطه !!
وان كنتي عاقلة بتفكرين بكلامي هذا,,,وبتفكرين انك أشرف من إنك تكونين مرحاض فقط لـ قضاء حاجة (جرذ) أعزكِ الله ,,, وبتفكرين بربك قبل الكل..
وإنتم ياشباب ترى المسألة عندنا إسمها (فلة )أو(علاقة),,, لكن عند الله إسمها (إنتهاك أعراض مسلمين),,,فتوبوا ترى المسألة مي شهوة ساعة وتروح,,,المسألة جنة ونار,,خلود بلا موت..
انشروها يمكن ينتفع بها غيرك ويكون لك أجر الهداية..
الله يسترعلى كل من أعان على نشر هذا المقال..
لو ماأحبكم ماكان كتبتها لكم؟؟