المعاملة السيئة لذوي الحتياجات الخاصه

معاق بصري يقول لا يوجد اي احترام لنا او اي معاملة جيدة من المجتمع سواء من الموظغون في الخدمات العامه اوحتى من الاشخاص الموجودون في الشارع وهذية بعض المواقف :

مرة رحت لبنك في الرياض عشان افتح حساب تدرون وش قال الموظف وامام الناس هذة البنك مايفتح لمعاقين ونفس الشئ صار في مكتب استقدام

ومرة رحت المطعم مع اختى طبعا في مطاعم ماتستقبل البنات الا ومعاها محرم اول مادخلت المطعم اختى وانا بعدها مع السايق بشوي قال ممنوع دخول بدون محرم ناظرت اختى وراها وكنت انا موجود قالت اخوي معاي قال لها هذا محرم ؟؟؟؟؟ لية مو مالي عينة

ومرة رحت اقدم على مساعده او مايسمى ضمان- سبحان الله في اشخاص ربي ياخذ منة شئ ويعوضة بشئ صدق انا كفيف بس عندي احساس بالمرة كبير المهم نادوا على اسمى طبعا انا قمت عشان اروح لة وصلت عندة قال لي انت فلان قلت ايه قال شكلك تشوف وقال لي جيب تقرير طبي _استغفر الله العظيم ناس ماتفهم وفي الخير رفضوا تقدم اي مساعده

ومرة كنت بسوق اشتريت شئ ودفت حقة البائع رجع لى الباقى بس ناقصة يتوقع اني مو منتبة -الحمد لله على النعمة

ومرة جيت اقدم على اجازة من الدوام رحت عند شئون الموظفين طلب منى ورقه المهم اليوم الثاني جبتها لة قال لي مو هذي الورقه المطلوبة قالت لة هذي اللي انت طالبها قال مو انا تاكد زين وهو يقولها باستهزاء - لدرجة هذي انا مااعرف افرق

هذا من غير الكلام اللي تسمعه من الموظفين هذا اعمى هذا اعمى او يطلبون منى اشياء مستحيل اشوفها مثلا اشياء مكتوبة لازم اقراها وانا مااقرا الا برايل

ومرة رحت اخطب العائلة الاولى رفضت والثانيه رفضت والثالثة رفضت والرابعه رفضت يقول ابوها اخاف مايقدر يسوي اشياءة الشخصية -يناس ليه تقللون من قدرات الكفيف الحمد لله انا اقدر اسوي كل شئ بنفسي ماعدا قيادة السيارة ومساعده من شخص خارج البيت

درسة ثلاث سنوات بالجامعه مافي اي مساعده لذوي الحتياجات الخاصة مثلا في محاضرات تحتاج لكتابة ماتلقى احد يعطيك او في الامتحان انا استخدم كاتب وفي المذاكرة قارئ والمشكلة مايهتمون في مواعيدهم حملت مواد بسببهم حتى الاستاذة والدكاترة مايساعدون مرة كان عندي امتحان وما حضر الكاتب قال لي الدكتور لازم تمتحن او تاخذ صفر وبعد محاولات وافق على الامتحان الشفهية سئل اربعه اسئلة عليها اربعين درجه -بالمرة ماعنده وقت

ومرة وموة ومرة ومرة ومرة ومرة ومرة ومرات استهزئوا ناس ومرة ضحكو ناس عشان شخص كفيف تعثر او ماانتبة لجدار او زبالة في الشارع

وفي الاخير ماكملت دراسة الجامعه من كثر ماحملت المواد وخلصت مدتي في الجامعه وتعقدت وقاعد بدون وظيفه وبدون سواق حتى المساعدات المالية من الدولة لازم واسطة والله حتى اهلي مقصرون معاي كل واحد مشغول بنفسة

انا كفيف وقصتي قصة ............

ياناس اذا الشخص عندة قدرات وثقة بنفسة لا تقللونها بالعكس شجعوة ونمو ا قدراته

» الاعتدال في المعاملة وبث الأمل صمام أمان مجتمعي للمعاقين
» فضيحه في احدى المستشفيااات الخاصه‎
» حقائق حول رعاية الاطفال ذوي الاحتياجات الخاصه